2011年1月31日〈一〉
香港→曼谷→阿的斯阿貝巴→肯雅奈羅比
→坦桑尼亞Kilimanjaro
去年因為有團體包團的關係，我們未能成行的非洲登吉力馬扎羅山〈Mt.Kilimanjaro〉之旅，今年終於得償所願。
這個7加2的非洲最高峰位於坦桑尼亞及肯亞，由七座主要的山峰組成，其中三座是死火山，奇寶峰（Kibo 5,893m），馬文濟峰（Mawenzi 5,149m）和西拉峰（Shira 3,962m）。奇寶峰上面的烏呼魯峰（Uhuru）是非洲的最高峰，正是我們今次的目的地。本來最高峰應該是西拉峰〈Shira〉，後來因為山頂倒塌而屈居第三。
近來因為溫室效應，吉力馬扎羅山山頂冰帽已日漸縮小，有科學家預計山頂冰雪將會在未來十年間消失。那些靠山而居的非洲民族會如何生活呢？
土語，吉力馬扎羅意是燦爛發光之山，當地原住民視之為聖山。它位於赤道南方約330 km，我們短短6天從海拔1800m 攀升上接近6000m 的高峰，其間嘗試到由攝氏20度多到山頂上的零下15度的滋味。
登吉力馬扎羅山有8條路線〈領隊占士說〉，其中最易走的一條是可口可樂大道〈Coca-Cola Route〉有山屋可住，而景色最美的是Machame Route又名Whiskey Route，全程住帳篷，而我們就是走這一次美景線。我們會因為海拔高度、降雨量、溫度變化等影響，沿途所見的地貎會截然不同，從山林地、半荒漠、高山石漠而到冰封雪山，每區有不同動植物生態及獨特地形景觀。好正！
而最吸引的地方是登奇寶峰〈Uhuru Peak〉，因為不需要特殊登山器材，徒步即可登上峰頂，不過除了克服高山反應之外，一定要有特強體能及意志力，否則登頂也不是一件易事。
18：30在機場集合。
遇到同款背囊的團友。
因為乘搭埃塞俄比亞航空，大部份同機的人都是黑黑的。
貓頭這次不隨團出發，但也來送機，打點，打點！
21：50入閘時間，但人龍很長，而且進度很慢，原來每位黑人登機前都要個別再秤手提行理。
嘩！看見前面那位黑人先生，單手拿下背包，手震不已，重量驚人呀！難怪登機前要嚴格檢查他們的背包。
機場吸煙室。我感覺是他們在自傷殘殺。
外星文
巨大猶長經過
香港時間1：15分〈泰國慢1小時〉曼谷機場，我們乖乖的坐在機內等待。
1小時後再起飛
日出了
香港時間下午12：00〈當地時間慢5小時，正是早上7：00〉到達阿的斯阿貝巴。
在機場等4小時轉機到肯雅
非洲見皮樓
這是箱內唯一的港幣
海拔2310m
終於入了候機室
就是坐這輛巴士登機
機師回我們的招呼
香港時間16：20分〈11：20〉起機了。
飛機不大，3-3座位，可是很多機位重覆了，問空姐求救，她只說，“Any vacant seat you can sit.”
???霸窗口位吧！
起機不久，發現這個我不知名的火山口。
我不知名的湖泊
也不知這是什麼？相信是住宅。
湖泊，做成美麗的圖案。
香港時間18：20〈13：20〉飛到肯雅機場，也是在機上等候。
他們偷偷的走下機拍照
再起飛
帶來了張家界的手信
香港時間20：00 1/2/2011〈當地時間15：30〉到達坦桑尼亞。
對我來說20小時的飛機程並不可怕，因為它是我行程的一部份嗎！而且還未打破上次去秘魯利馬時38小時的紀錄。仍然可以接受。
小提示：記得注射黃熱針及帶針紙，否則海關強要你交US50在海關注射就煩。幸好我們上次去秘魯時的針紙仍然釘在護照內。
待續...
非洲坦桑尼亞登山狩獵之旅網誌連結：
非洲坦桑尼亞─起程非洲坦桑尼亞─Arusha
非洲坦桑尼亞─Machame Gate
非洲坦桑尼亞─Machame Camp
非洲坦桑尼亞─Shira Camp 上
非洲坦桑尼亞─Shira Camp 中
非洲坦桑尼亞─Shira Camp 下
非洲坦桑尼亞─Lava Tower 上
非洲坦桑尼亞─Lava Tower 下
非洲坦桑尼亞─Barranco Camp
非洲坦桑尼亞─Barafu Camp上
非洲坦桑尼亞─Barafu Camp下
非洲坦桑尼亞─Uhuru Peak
非洲坦桑尼亞─登峰後感
非洲坦桑尼亞─落山了
非洲坦桑尼亞─狩獵之旅〈一〉上
非洲坦桑尼亞─狩獵之旅〈一〉中
非洲坦桑尼亞─狩獵之旅〈一〉下
非洲坦桑尼亞─狩獵之旅〈二〉上
非洲坦桑尼亞─狩獵之旅〈二〉中
非洲坦桑尼亞─狩獵之旅〈二〉下
非洲坦桑尼亞─狩獵之旅〈三〉上
非洲坦桑尼亞─狩獵之旅〈三〉中
非洲坦桑尼亞─狩獵之旅〈三〉下
非洲坦桑尼亞─回家了
仲唔畀我吼到. No. 1
回覆刪除[版主回覆02/17/2011 10:50:00]好叻仔。
又會咁o岩? 你地唔識嗎?
回覆刪除[版主回覆02/17/2011 10:51:00]其實只是有一位是新相識的團友也是用同一款。
嘩! 呢度都咁高海拔!
回覆刪除[版主回覆02/17/2011 10:52:00]唔覺意撳吓隻錶才發現在這麼高的海拔。
噢! 連續20小時就慘 D, 轉機也好, 不過轉機都轉到暈!
回覆刪除[版主回覆02/17/2011 10:53:00]對於這樣的行程我倒是可以接受，38小時也試過，冇所謂啦！
呢度都賣皮褸? 好日都冇人幫襯啦! 又冇做特價? 戴左上頭就要買喇!
回覆刪除[版主回覆02/17/2011 10:55:00]原來他們並不是這麼野蠻的，我們雞同鴨講，大家還大笑一餐，比起祖國同胞的買賣手法完全不同。唔岩唔會迫你。
回應左咁耐都冇第2名出現 ??? 帶去莫非氹非洲細路仔, 然後再拍低佢地 D 神情啦!
回覆刪除[版主回覆02/17/2011 11:00:00]係喎！好似淨係見到你，多謝捧場。
我又唔記得咗這樣做，見到d細路仔就忘形的影。
其實非洲人好relax好優閒，他們不強求，〈不同生活在香港的非洲人〉喜歡音樂，與想像中的情況不同，在當地感到並不危險。
好嘢, 2222222
回覆刪除[版主回覆02/17/2011 11:01:00]2222仔好嘢！
應該我第3啩！
回覆刪除[版主回覆02/17/2011 11:01:00]當然係3仔啦！多謝光臨！
有無試過拿錯別人的呢?
回覆刪除[版主回覆02/17/2011 11:03:00]咁又冇喎！因為我們的背囊都有不同的掛鈎，我更有張家界手信掛係到。
四仔！
回覆刪除[版主回覆02/17/2011 11:03:00]多謝光臨。
It is very very far away ! But it is a very exciting and interesting trip.
回覆刪除[版主回覆02/17/2011 11:04:00]Thanks. It is really a exciting and interesting trip. Hope you enjoy.
精彩, 去非洲攀山. 期待更多的圖文 !
回覆刪除[版主回覆02/17/2011 11:05:00]我會努力，希望盡快update。
話時話, 係冬天季節, 係香港見到唔少o黎(買貨)既黑人都著皮褸o架. 可能係身份像徵都未定. (我估 ) 咁你睇到d皮褸價錢貴唔貴呀??
回覆刪除[版主回覆02/17/2011 17:05:00]哈哈！冇標價錢，我用英文問佢，佢又唔識，結果我咪用中文問囉，當然都係唔識啦！所以我唔知幾錢。
我最怕 (其實係冇耐性) 坐長途機. 去日本我都頂唔順, 去台灣就最正
回覆刪除叫我坐20個鐘...... 一定癲
[版主回覆02/17/2011 17:08:00]其實只要你接受，又不是太辛苦，我們不停的吃飛機餐，11：50又食，凌時3：00又食，早上8：00又食，都唔記得咗食咗幾多餐，食完又瞓過，食吓食吓就好快到。
嘩，終於出場啦。 估唔到搭飛機都有咁多精彩片段
回覆刪除[版主回覆02/17/2011 17:09:00]這是我走不動時的珍藏讀物，所以，要詳細d囉。
好得意
回覆刪除[版主回覆02/17/2011 17:09:00]在飛機看下去，睇極都唔知係乜。
坐20個鐘頭飛機真係好耐好耐。 諗起都怕怕
回覆刪除[版主回覆02/17/2011 17:10:00]就好似我答cowcow一樣，我真的不太厭惡。
一向有睇, 留意你個blog, 好開心睇到你去非洲坦桑尼亞行山既blog, 我一定會追落去架, 期待 ....
回覆刪除[版主回覆02/17/2011 17:12:00]多謝啊！歡迎光臨！等我快d加你做Blog友先。
(Empty)
回覆刪除[版主回覆02/18/2011 14:27:00](Empty)
有蓋的
回覆刪除[版主回覆02/18/2011 14:27:00]機細細都幾齊全㗎
記得當年去 New York, 也要坐 20 幾個鐘, 全程坐在機上, 真係坐到腳痺. 或者轉機可以在其他機場內走走會好 d, 無咁悶, 又可以舒展吓
回覆刪除[版主回覆02/18/2011 14:29:00]老實說我對於長程飛機並不太反感，只要有得玩，我可以克服這些小小的插曲。
不知名的火山都甘鬼正。
回覆刪除[版主回覆02/19/2011 11:25:00]好坐係左手面，如果坐右手面見唔到。
得意姐
回覆刪除同款得咁犀利真係好少見，坐咁耐長途機真係好難頂呀!妳同山水兄真係好嘢
[版主回覆02/20/2011 21:29:00]貪玩就是天下無敵。^-^
回覆刪除很美!
[版主回覆02/28/2011 16:12:00]謝謝！
嘩世界仲有咩地方你未去
回覆刪除我可以先過你去
[版主回覆03/23/2011 10:46:00]有，還有很多地方未去，希望明年1月可以起程去南極。如果你去過就快點給我資料，ok！
未去過啊!南極好似無陸地!5月會去中旬(香格理拉)想學你寫下Blog咁 LO
回覆刪除[版主回覆03/24/2011 16:02:00]寫Blog可以把美麗的時光記下來，讓日後可以重溫，真的很好。香格理拉我都未去過，其實內地我很少去，因為遠遊的時間都不夠用了。不過，6月中我約了朋友去北疆。
等待你的新網誌，寫了快d通知我呀！
我8月去ARUSHA,請問有冇ARUSHA 平價酒店資料
回覆刪除[版主回覆05/07/2013 16:11:10]對不起，我在Arusha逗留不是太久，我們在山上多，所以，未能幫得上忙,我住那一間叫L'Oasis，環境不錯的，你可以seach資料。